Taalifi cant 48

¹Di woyu cant, ñeel askanu Kore wu góor. Aji Sax jee màgg, jara màggal a màggal ca sunu biir dëkku Yàlla, kaw tundam wu sell.

²Jekk taxawaayee tundu Siyoŋ, catu bëj-gànnaar, dëkku Buur bu mag bi, di mbégtem àddina sépp.

³Yàllaa wone kaaraangeem ca biir tatay dëkk ba.

⁴Buur yaa ngoog daje, àndandoo.

⁵Nun noo gis, jommi, tiit, fëx,

⁶ne fay pat-pati, jàq ni kuy matu.

⁷Ngelawal penku, moom ngay tase gaal gu mag.

⁸La nu déggoon de lanu gis ca dëkkub Aji Sax ji Boroom gàngoor yi, sunu dëkku Yàlla ba. Yàllaa koy dëgëral ba fàww. Selaw.

⁹Céy Yàlla, nu ngi sa biir kër, di xalaat sa ngor.

¹⁰Céy Yàlla, sa tur ay sa woy ba ca cati àddina. Njubte la sa loxo fees.

¹¹Yal na waa tundu Siyoŋ bég, waa Yuda bànneexoo say àtte.

¹²Doxleen biir Siyoŋ, wër ko, waññleen ay sooroori tataam,

¹³nemmikuy tataam, doxantoo këri buur, ba man koo yegge maasug ëllëg,

¹⁴ne leen kii ay Yàlla, sunu Yàlla, tey ak ëllëg. Moo nuy jiite ba saa taxaw.