Taalifi cant 47

¹Mu jëm ci njiital woykat yi, dib taalifu cant, ñeel askanu Kore wu góor. Na xeetoo xeet tàccu, xaacu, sarxolleel Yàlla!

²Aji Sax ji, Aji Kawe jee jara ragal, mooy buur bu mag bi tiim àddina sépp.

³Moo nu nangulal xeet yi, nu teg tànk gàngoor yi.

⁴Moo nu tànnal céru suuf, muy sagu askanu Yanqóoba wii mu sopp. Selaw.

⁵Yàllaa yéeg, kàddu riir. Aji Sax jee yéeg, bufta jolli.

⁶Woyleen Yàlla, woyleen, woyleen Yàlla sunu buur, woyleen.

⁷Yàllaay buuru àddina sépp; taalifleen, woy ko.

⁸Yàllaa di buuru xeet yi, Yàllaa tooge jalam bu sell.

⁹Kàngami xeet yeey daje, ànd ak ñoñi Yàllay Ibraayma; Yàllaa moom buur yi yiir àddina, te moo kawee kawe.