Banzembo 47

¹Nzembo ya bana ya Kore. Wuta na buku ya mokambi ya bayembi. Bino nyonso, bikolo, bobeta maboko ! Boganga epai na Nzambe na esengo nyonso.

²Tala ndenge nini Yawe, Ye-Oyo-Aleki-Likolo, azali somo ! Azali Mokonzi Monene na mokili mobimba.

³Atiaki bikolo na se na biso, mpe mabota na se ya bokonzi na biso.

⁴Aponelaki biso libula na biso, oyo ezali lokumu ya Jakobi, molingami na Ye.

⁵Nzambe amataki kati na koganga ya esengo ; Yawe ayaka kati na lokito ya kelelo.

⁶Boyemba mpo na lokumu ya Nzambe, boyemba mpo na lokumu na Ye. Boyemba mpo na lokumu ya Mokonzi na biso, boyemba mpo na lokumu na Ye.

⁷Pamba te Nzambe azali Mokonzi ya mokili mobimba ; boyemba nzembo mpo na lokumu na Ye.

⁸Nzambe akonzaka bikolo nyonso ; Nzambe avandi na Kiti na Ye ya bule.

⁹Bato minene ya bikolo basangani, lokola bato ya Nzambe ya Abrayami, pamba te bilombe ya mokili bazali ya Nzambe ; atombwama makasi.