Waiata 129

¹He waiata; he pikitanga. He kī tēnei mā Īharaira – “Ka maha ā rātou tūkinotanga i ahau o tōku tamarikitanga ake;

²ka maha ā rātou tūkinotanga i ahau o tōku tamarikitanga ake, heoi, kīhai ahau i taea e rātou.

³I parautia tōku tuarā e ngā kaiparau; he roa ā rātou parautanga.”

⁴He tika tā Ihowā; motu pū i a ia ngā aho a te hunga kino.

⁵Kia whakamā, kia whakahokia ki muri, te hunga katoa e kino nei ki Hiona.

⁶Kia rite rātou ki te tarutaru i ngā tuanui, e memenge nei i te mea kīanō i tupu ake,

⁷e kore nei e kī te ringa o te kaikoti, te uma hoki o te kaipaihere,

⁸e kore anō te hunga e haere ana i te taha e mea, “Kia tau ki a koutou te manaaki a Ihowā! Ko tā mātou manaaki tēnei ki a koutou i runga i te ingoa o Ihowā!”