Nnwom 87

¹Kora mma dwom. Awurade ato ne fapem wɔ bepɔ kronkron no so;

²Awurade dɔ Sion apono no sene Yakob atenaeɛ nyinaa.

³Wɔka wo ho animuonyamsɛm Ao Onyankopɔn kuropɔn:

⁴“Mede Rahab ne Babilonia bɛka wɔn a wɔyɛ ɔsetie ma me no ho, Filistia, Tiro ne Kus nso mɛka sɛ, ‘Wɔwoo yeinom wɔ Sion.’ ”

⁵Ampa ara wɔbɛka wɔ Sion ho sɛ, “Wɔwoo yei ne ɔno wɔ ne mu, na Ɔsorosoroni no ankasa de no bɛtim hɔ.”

⁶Awurade bɛtwerɛ wɔ nnipa dintwerɛ nwoma no mu sɛ, “Wɔwoo yei wɔ Sion.”

⁷Na wɔbɛto dwom sɛ, “Me nhini nyinaa wɔ wo mu.”