1Mu jëm ci njiital woykat yi, dëppook galan bi ñu dippee Bul yàq, di woyu cant, ñeel Asaf. Yàlla, nu sant la, santati la; sa tur a ngii jege nu, nuy siiwal say jaloore.
2Yàlla nee: «Maay takk ab àpp, àtte ca njub.
3Bu suuf di yëngu mook ñi ko dëkke ñépp, maay kiy téye ay kenoom. Selaw.
4Dama ne ku réy: “Bul réy-réylu,” ne ku bon: “Bul bew,
5bul bew a bew, bay waxe reewande.”»
6Du penku, du sowu, te du màndiŋ ma la daraja di jóge.
7Yàllaay àtte: kii mu detteel, kee mu kaweel.
8Merum Aji Sax ji dib kaas ci loxoom, biiñu njafaan bu wex di ca fuur, mu jol ko képp ku bon ci àddina, mu naan ba naanaale ginjriit ga.
9Man may biral jëfam ba fàww. Damay woy Yàllay Yanqóoba.
10Mu ne: «Jépp dooley ku bon, ma neenal; dooley ku jub yokku.»