Biblia Mosantu

Banzembo 67

Kondimana ya Kala

¹Wuta na buku ya mokambi ya bayembi : nzembo ya koyemba na lindanda. Loyembo. Tika ete Nzambe asalela biso ngolu mpe apambola biso, tika ete angengisela biso elongi na Ye ;

²mpo ete toyeba nzela na Yo kati na mokili, mpe lobiko na Yo kati na bikolo nyonso.

³Oh Nzambe, tika ete bikolo ekumisa Yo ; tika ete bikolo nyonso ekumisa Yo !

⁴Tika ete bato basepela, tika ete babeta milolo ya esengo, pamba te okambaka bikolo na bosembo, mpe otambolisaka bato awa na mabele.

⁵Oh Nzambe, tika ete bikolo ekumisa Yo ; tika ete bikolo nyonso ekumisa Yo !

⁶Mabele eboti bambuma na yango ; tika ete Nzambe, Nzambe na biso, apambola biso.

⁷Tika ete Nzambe apambola biso ; tika ete mokili mobimba etosa Ye !

Toli: bafleshi ya loboko ya mwasi mpe ya loboko ya mobali ebalolaka lokasa, mpe / efungolaka boluki.