Taalifi cant 142

¹Dib taalifu yeete bu ñeel Daawuda, ba mu nekkee ca xunt ma. Ma àddu, ñaan Aji Sax ji; àddu ca kaw, di tinu Aji Sax ji,

²sippi ko sama tawat, diis ko sama njàqare.

³Bu ma yoqee, ràññee nga samay jéego; yoon wi may jaare lañu ma làqal am yeer.

⁴Ma geesu ndijoor, xool; du kenn ku ma faale. Rawtu réer ma, du kenn ku sama bakkan saf.

⁵Aji Sax ji, ma woo la wall; ma ne, yaay sama kiiraay, di sama séddoo fi kaw suuf.

⁶Teewlul, ma ne wóoy, damaa manatul, xettali ma ci ñi ma topp, dañu maa ëpp doole.

⁷Ngalla génne ma fi ma tëje, ma sant la. Man la way-ngëm ñi di yéew ëllëg, yaa may xéewale ab yool.