Faarfannaa 136

¹Waaqayyoof galata galchaa; inni gaariidhaatii. Jaalalli isaa bara baraan jiraata.

²Waaqa waaqotaatiif galata galchaa. Jaalalli isaa bara baraan jiraata.

³Gooftaa Gooftotaatiif galata galchaa: Jaalalli isaa bara baraan jiraata.

⁴inni kophaa isaa dinqii gurguddaa hojjeta; Jaalalli isaa bara baraan jiraata.

⁵inni ogummaa isaatiin samiiwwan uume; Jaalalli isaa bara baraan jiraata.

⁶inni bishaanota irratti lafa diriirse; Jaalalli isaa bara baraan jiraata.

⁷inni ifa gurguddaa hojjete; Jaalalli isaa bara baraan jiraata.

⁸inni akka biiftuun guyyaa mootu godhe; Jaalalli isaa bara baraan jiraata.

⁹inni akka jiʼii fi urjiiwwan halkan moʼan godhe; Jaalalli isaa bara baraan jiraata.

¹⁰inni hangafa Gibxi dhaʼe; Jaalalli isaa bara baraan jiraata.

¹¹inni isaan gidduudhaa Israaʼelin baase; Jaalalli isaa bara baraan jiraata.

¹²harka jabaa fi irree diriiraadhaan Israaʼelin baase; Jaalalli isaa bara baraan jiraata.

¹³inni Galaana Diimaa iddoo lamatti gargarii qoode; Jaalalli isaa bara baraan jiraata.

¹⁴inni galaana gidduudhaan Israaʼelin dabarse; Jaalalli isaa bara baraan jiraata.

¹⁵Faraʼoonii fi loltoota isaa garuu Galaana Diimaatti naqe; Jaalalli isaa bara baraan jiraata.

¹⁶inni saba ofii isaa gammoojjii keessa geggeesse; Jaalalli isaa bara baraan jiraata.

¹⁷inni mootota gurguddaa dhaʼe; Jaalalli isaa bara baraan jiraata.

¹⁸inni mootota jajjaboo fixe; Jaalalli isaa bara baraan jiraata.

¹⁹inni Sihoon mootii Amoorotaa ajjeese; Jaalalli isaa bara baraan jiraata.

²⁰inni Oogi mootii Baashaan ajjeese; Jaalalli isaa bara baraan jiraata.

²¹inni biyya isaanii dhaala godhee kenne; Jaalalli isaa bara baraan jiraata.

²²dhaala godhee garbicha isaa Israaʼeliif kenne; Jaalalli isaa bara baraan jiraata.

²³Inni yeroo nu gad deebinetti nu yaadate; Jaalalli isaa bara baraan jiraata.

²⁴inni harka diinota keenyaatii nu baase, Jaalalli isaa bara baraan jiraata.

²⁵inni uumama hundaaf soora kenna; Jaalalli isaa bara baraan jiraata.

²⁶Waaqa samiitiif galata galchaa. Jaalalli isaa bara baraan jiraata.