Taalifi cant 3, Biibal bu Sell bi ci internet

¹Dib taalifu cant, ñeel Daawuda, ba muy daw Absalom doomam ju góor. Éy Aji Sax ji, noon yeeka bare! Ñu baree may jógal,

²ñu baree may tooge naa: «Yàlla du ko wallu!» Selaw.

³Waaye yaw Aji Sax ji, yaa may feg, di ma teral, di ma siggil.

⁴Maay woo Aji Sax ji wall, mu walloo ma fa tundam wu sell wa. Selaw.

⁵Maay tëdd nelaw, yewwu; Aji Sax ji di ma aar.

⁶Ñu dul jeex a ma jógal, gaw ma, te duma ragal.

⁷Éy Aji Sax ji sama Yàlla, jógal, wallu ma! Yaa toj kaabaabi noon yu bon yépp, foq seeni sell.

⁸Aji Sax ji, yaa moom wall, sa mbooloo jagoo sa barke. Selaw.

Xelal: fettu càmmooñ ak ndeyjoor yi ci clavier bi dañuy walbati xët wi, te / day ubbi seet bi.