Taalifi cant 122

¹Di woy yu ñuy yéege ca tund ya, di ko màggale Yàlla, ñeel Daawuda. Maaka bég, ba ñu ma nee: «Kër Aji Sax ji lanu jëm.»

²Yaw Yerusalem, noo ngii taxaw ci sa bunt.

³Céy, Yerusalem, dëkkub tabax bu baax bi booloo, di benn.

⁴Fii la giiri Israayil di yéegsi, di giir yi Ki Sax séddoo. Ñu ngi santsi Aji Sax ji, ni ko Israayil warloo.

⁵Fii la ngànguney Israayil tege, askanu Daawuda toog ca, di àtte.

⁶Dagaanleen jàmmi Yerusalem: «Yerusalem, yal na sa xeli soppe dal,

⁷jàmm ne ñoyy fi say tata wër, te xel dal ci biir këri Buur.»

⁸Mbokk ak xarit a waral may ñaan jàmmi Yerusalem.

⁹Sunu kër Yàlla Aji Sax jee ma tax di sàkku ngëneelu Yerusalem.