Whakatauki 13

¹Ko te tama whakaaro nui ka rongo ki tā tōna pāpā ako; ko te tangata whakahī ia e kore e rongo ki te riri.

²E kai te tangata i te pai i te hua o tōna māngai; ka kai ia te wairua o te hunga whanokē i te tutū.

³Ko te tangata e tiaki ana i tōna māngai e pupuri ana i tōna ora; ko te tangata ia e hāmama nui ana ōna ngutu, ko te whakangaromanga mōna.

⁴E hiahia ana te wairua o te tangata māngere, ā, kāhore he mea māna; ka meinga ia kia mōmona te wairua o te hunga uaua.

⁵E kino ana te tangata tika ki te kōrero teka; he mea whakarihariha ia te tangata kino, ā, whakamā noa iho.

⁶Ko te tika hei kaitiaki mō te tangata e tapatahi ana te ara; ka whakatakā anō te tangata kino e te hara.

⁷Tērā tētahi kei te āmene taonga mōna, heoi kāhore rawa he mea i a ia; tērā tētahi kei te whakarawakore i a ia, heoi nui atu ōna rawa.

⁸Ko ngā utu mō te tangata kia ora, ko ōna rawa; tēnā ko te rawakore, e kore e rongo i te riri.

⁹E koa ana te mārama o te hunga tika; ka keto ia te rama o te hunga kino.

¹⁰He totohe anake i ahu mai i te whakapehapeha; he whakaaro nui ia kei te hunga i ngā kupu tika.

¹¹Ko ngā taonga i puta mai i te whakamanamana ka iti haere; ko tā te tangata i whakaemi ai, he mea mahi, ka tupu haere.

¹²He manako tāringa roa, he patu ngākau; ka tae te koronga, ko te rākau ia o te ora.

¹³Ko te tangata e whakahāwea ana ki te kupu, ka ngaro i a ia anō; ko te tangata ia e wehi ana i te whakahau, ka whiwhi ki te utu.

¹⁴Ko te ture o te hunga whakaaro nui, he puna nō te ora, e puta ai i ngā reti o te mate.

¹⁵Ko tō te ngārahu pai he hōmai atawhai; he taikaha ia te ara o te hunga nanakia.

¹⁶He mahi mōhio tā te tangata tūpato; ko tā te wairangi he hora i te kūwaretanga.

¹⁷Ka hinga te karere kino ki te kino; ko te karere pono ia, ānō he rongoā.

¹⁸Ko te tangata kāhore e pai ki te papaki, māna te rawakore, te whakamā; engari ko te tangata e whai mahara ana ki te ako, ka whakahōnoretia.

¹⁹Ko te hiahia kua rite, he reka ki te wairua; he whakarihariha ia ki ngā kūware te whakarere i te kino.

²⁰Haere i te taha o te hunga whakaaro nui, ā, ka whai whakaaro koe; ko te takahoa ia o ngā kūware, ka mamae.

²¹Ka whai te kino i te hunga hara; ko te utu ia ki te hunga tika, he pai.

²²He whakarerenga iho tā te tangata pai mō ngā tamariki a ngā tamariki; kei te rongoā mō te tangata tika ngā taonga o te tangata hara.

²³He nui te kai kei te ngakinga a ngā rawakore; tērā ia te mea e ngaro ana i te kore o te tikanga pai.

²⁴Ko te tangata e kaiponu ana i tāna whiu, e kino ana ia ki tāna tama; ko te tangata ia e aroha ana ki a ia, ka papaki wawe i a ia.

²⁵Kai ana te tangata tika, mākona ana tōna wairua; ka hapa ia te kōpū o te tangata kino.