Esayi 4

¹Su bés baa, juróom ñaari jigéen ŋoyaalu genn góor, ne ko: «Sunub dund, nun a, sunu koddaay, nun a! Jox nu sag buum rekk, teggil nu gàcce.»

²Su bés baa njebbitum Aji Sax ji doon lu yànj, darajawu, meññeefum réew mi di teraanga, dib sag, ñeel ñi dese bakkan fi Israayil.

³Su boobaa ku mucc fa Siyoŋ ak ku des fa Yerusalem, ku sell ki lees lay woowe, muy képp ku ñu bind turam, te mu wara dese bakkan ci Yerusalem.

⁴Boroom beey wal noowal mbugal, noo guy lakk, sellal, fóote ko jonkani jigéeni Siyoŋ, fetee ko deret ji ci Yerusalem, ba mu set.

⁵Su boobaa tundu Siyoŋ bépp, fépp fu ñuy dajee, Aji Sax ji sàkk fa niiru saxaar bëccëg, guddi mu def tàkk-tàkk bu ne ràññ; leeru Aji Sax ji di kiiraay, tiim lépp,

⁶di mbaar mu ñuy féexloo tàngooru bëccëg, di ko seeloob taw ak waame.