1.Jaar-jaar ya 6

¹Doomi Lewi yu góor ñoo di Gerson ak Keyat ak Merari.

²Doomi Keyat yu góor ñoo di Amram ak Iccar ak Ebron ak Usyel.

³Doomi Amram yu góor ñoo di Aaróona ak Musaa, Maryaama di doomam yu jigéen. Doomi Aaróona yu góor ñoo di Nadab ak Abiyu ak Elasar ak Itamar.

⁴Elasar mooy baayu Fineyas, Fineyas di baayu Abiswa.

⁵Abiswa mooy baayu Bukki, Bukki di baayu Usi.

⁶Usi mooy baayu Seraxya, Seraxya di baayu Merayot.

⁷Merayot mooy baayu Amarya, Amarya di baayu Axitub.

⁸Axitub mooy baayu Cadog, Cadog di baayu Aximàcc.

⁹Aximàcc mooy baayu Asaryaa di baayu Yoxanan.

¹⁰Yoxanan mooy baayu Asaryaa. Asaryaa moomu sarxalkat la woon ca kër Yàlla ga Suleymaan tabaxoon ca Yerusalem.

¹¹Asaryaa mooy baayu Amarya, Amarya di baayu Axitub.

¹²Axitub mooy baayu Cadog, Cadog di baayu Salum.

¹³Salum mooy baayu Ilkiya, Ilkiya di baayu Asaryaa.

¹⁴Asaryaa mooy baayu Seraya, Seraya di baayu Yoccadag.

¹⁵Yoccadag moomu gàddaayloo nañu ko ca jamono ja Aji Sax ji toxal waa Yuda ak Yerusalem, jaarale ko ci Nebukatnecar.

¹⁶Doomi Lewi yu góor di Gerson, Keyat ak Merari.

¹⁷Ñii ñoo di doomi Gerson yu góor: Libni ak Simey.

¹⁸Doomi Keyat yu góor ñoo di Amram ak Iccar ak Ebron ak Usyel.

¹⁹Doomi Merari yu góor ñoo di Maxli ak Musi. Ñooñu ñooy ñi ñu tudde làngi giirug Leween ñi ni leen seeni maam lime.

²⁰Góor ñi askanoo ci Gerson ñoo di doomam Libni mi jur Yaxat mu jur Simma.

²¹Simma moo jur Yowax mi jur Ido mu jur Sera ak Yettray.

²²Góor ñi askanoo ci Keyat ñoo di Aminadab mi jur Kore mu jur Asir.

²³Asir jur Elkana mi jur Abyasaf mu jur Asir.

²⁴Asir moomu jur Taxat mi jur Uryel mu jur Osiyas mu jur Sawul.

²⁵Elkana am na yeneen doom yu góor, ñuy Amasay ak Aximot.

²⁶Góor ñi soqikoo ci Elkana ñoo di Cofay mi jur Naxat.

²⁷Naxat jur Elyab mu jur Yeroxam mi jur Elkana.

²⁸Doomi Samiyel yu góor ñoo di Yowel taawam, ka ca topp di Abya.

²⁹Góor ñi soqikoo ci Merari nii lañu toppantee: Maxli mi jur Libni mu jur Simey mu jur Usa.

³⁰Usa jur Simeya mi jur Agiya mu jur Asaya.

³¹Ñii ñoo di Leween ñi Daawuda sasoon ñuy jiite woy yi ci kër Aji Sax ji, bu ñu fa xasee yeb gaalu Yàlla ga.

³²Ñooñu ñoo yoroon liggéeyu woy ya fa kanam jaamookaay ba, ca xaymab ndaje ma, ba keroog Suleymaan tabaxee kër Aji Sax ji ca Yerusalem. Ñuy def seen liggéey nag na ñu leen ko sante.

³³Ñi sasoo woon liggéey boobu ñook seeni doom yu góor ñii la: làngu Keyat: Eman woykat ba, doomu Yowel, doomu Samiyel,

³⁴doomu Elkana, doomu Yeroxam, doomu Elyel, doomu Towa,

³⁵doomu Cuuf, doomu Elkana, doomu Maxat, doomu Amasay,

³⁶doomu Elkana, doomu Yowel, doomu Asaryaa, doomu Sofoni,

³⁷doomu Taxat, doomu Asir, doomu Abyasaf, doomu Kore,

³⁸doomu Iccar, doomu Keyat, doomu Lewi, doomu Israayil.

³⁹Ku góor ka daan taxaw ca wetu ndijooru Eman ca liggéey ba moo doon mbokkam Asaf. Asaf moo doon doomu Berekya, doomu Simeya,

⁴⁰doomu Mikayel, doomu Baaseya, doomu Malkiya,

⁴¹doomu Etni, doomu Sera, doomu Adaya,

⁴²doomu Etan, doomu Simma, doomu Simey,

⁴³doomu Yaxat, doomu Gerson, doomu Lewi.

⁴⁴Waa làngi Merari ñoo daan féete càmmoñ: Etan doomu Kisi, doomu Abdi, doomu Malukk,

⁴⁵doomu Asabya, doomu Amaciya, doomu Ilkiya,

⁴⁶doomu Amci, doomu Bani, doomu Semer,

⁴⁷doomu Maxli, doomu Musi, doomu Merari, doomu Lewi.

⁴⁸Seen yeneen mbokki Leween ñi ñoo doon def mboolem yeneen liggéeyi kër Yàlla ga.

⁴⁹Waaye Aaróona ak góor ñi askanoo ci moom ñoo doon lakk sarax yi ci kaw sarxalukaayu rendi-dóomal yi, di taal cuuraay li ci kaw sarxalukaayu cuuraay ba, di toppatoo mboolem lu jëm ci néeg bu sella sell ba. Ba tey ñoo doon daa defal Israayil seen njotlaay, na ko Musaa, jaamu Yàlla ba digle woon.

⁵⁰Góor ñi askanoo ci Aaróona nii lañu toppantee: Elasar doomu Aaróona, moo jur Fineyas mi jur Abiswa.

⁵¹Abiswa moo jur Bukki mi jur Usi mu jur Seraxya.

⁵²Seraxya moo jur Merayot mi jur Amarya mu jur Axitub.

⁵³Axitub moo jur Cadog mu jur Aximàcc.

⁵⁴Gox yii ñuy lim la askanu Aaróona wi bokk ci làngu Keyat dëkke woon. Ñoo njëkka jot ca seen suuf sa ñu muurloo ci kaw tegoo bant.

⁵⁵Jox nañu leen Ebron, dëkk bu mag ba ca Yuda ak àlli parlu ya ko wër.

⁵⁶Waaye fekk na tool yaak dëkk yu ndaw ya bokk ca dëkk bu mag ba, jox nañu ko Kaleb, ku góor kay doomu Yefune.

⁵⁷Góor ñi askanoo ci Aaróona lañu jox Ebron, dëkkub rawtu ba, ak Libna ak àlli parlu ya ko wër, ak Yatir ak Estemowa ak parlu ya ko wër;

⁵⁸ak Ilen ak parlu ya ko wër, ak Debir ak parlu ya ko wër;

⁵⁹ak Asan ak parlu ya ko wër, ak Bet Semes ak parlu ya ko wër.

⁶⁰Jële nañu ci suufas giirug Beñamin dëkk ba ñuy wax Geba aki parloom, ak Alemet aki parloom, ak Anatot aki parloom. Lépp di fukki dëkk ak ñett yu ñu séddoo ci seeni làng.

⁶¹Waa kër góor ña des ci askanu Keyat lañu jox fukki dëkk yu bokk ci suufas giirug Efrayim ak giirug Dan ak genn-wàllu giirug Manase.

⁶²Waa kër góor ñi askanoo ci Gerson lañu jox fukki dëkk yu mag ak ñett yu bokk ci suufi giiri Isaakar ak Aser ak Neftali ak genn-wàllu giirug Manase ga dëkke diiwaanu Basan.

⁶³Góor ñi askanoo ci Merari la seen làng muurloo ci tegoo bant fukki dëkk yu mag ak ñaar yu bokk ci suufi giiri Ruben ak Gàdd ak Sabulon.

⁶⁴Noonu la bànni Israayil joxe Leween ñi dëkk yooyu ak seeni parlu.

⁶⁵Dëkk yooyu bokk ci suufi Yuda ak Simeyon ak Beñamin, di dëkk yi ñu jota lim seeni tur ci kaw, ab tegoo bant lañu leen joxe.

⁶⁶Lenn ci kër yu bokk ci làngi Keyat lañu jox dëkk yu mag yii bokk ci suufi giirug Efrayim:

⁶⁷ca diiwaanu tundi Efrayim, Sikem dëkku rawtu ba ak parloom; ak Geser ak parloom;

⁶⁸ak Yogmeyam ak parloom; ak Bet Oron ak parloom;

⁶⁹ak Ayalon ak parloom; ak Gaat Rimon ak parloom.

⁷⁰Ñu ame ba tey ca suufas genn-wàllu giirug Manase dëkk yii ànd ak seeni parlu: Aner ak Bileyam. Làngi yeneen doomi Keyat a ko séddoo.

⁷¹Góor ñi askanoo ci Gerson lañu jox lii: ci céru genn-wàllu giirug Manase lañu leen sédde dëkk yu mag yii ànd ak seeni parlu: di Golan ci diiwaanu Basan, ak Astarot,

⁷²joxaat leen ci suufas giirug Isaakar dëkk yii ànd ak seeni parlu: di Kedes ak Dabraat

⁷³ak Ramot ak Anem.

⁷⁴Ñu dellu jox leen ci suufas giirug Aser dëkk yii ànd ak seeni parlu: di Masal ak Abdon

⁷⁵ak Ukog ak Rexob.

⁷⁶Ñu dellooti jox leen ci suufas giirug Neftali dëkk ba ñuy wax Kedes ca Galile ak àllub parlu ya ko wër, ak Amon ak parlu ya ko wër, ak Kiryaatayim aki parloom.

⁷⁷Góor ñi askanoo ci Merari, muy ña des ca Leween ña, ñoom lañu jox suuf sa ñu jële ca suufas giirug Sabulon. Dëkk yii la ak seeni parlu: Rimono ak Tabor.

⁷⁸Ñu joxaat leen dëkk ya ca wàllaa dexu Yurdan ca penkub Yeriko, te bokk ca suufas giirug Ruben. Mooy dëkk yii ànd ak seeni parlu: di Beccer ga ca ndànd-foyfoy ga ak Yaxacc

⁷⁹ak Kedemot ak Mefaat.

⁸⁰Ñu joxati leen ci suufas giiru Gàdd, dëkk yii ak seeni parlu: di Ramot ga ca Galàdd, ak Maxanayim

⁸¹ak Esbon ak Yaser.