I. Oihanaalii 24

¹EIA ka puunaue ana i na keikikane a Aarona. O na keikikane a Aarona, o Nadaba, o Abihu, o Eleazara, a o Itamara.

²A make iho o Nadaba laua o Abihu mamua o ko laua makuakane, aole no a laua keiki: nolaila, na Eleazara laua o Itamara i hana ka oihanakahuna.

³A hoonoho iho la o Davida ia laua, o Zadoka no na mamo a Eleazara, a o Ahimeleka no na mamo a Itamara e like me ko laua kuleana iloko o ka oihana a laua.

⁴A ua oi aku ka nui o na luna i loaa o na mamo a Eleazara imua o na mamo a Itamara: a ua puunaueia hoi lakou. Iwaena o na mamo a Eleazara, he umikumamaono ka poe luna no ka ohana o ko lakou mau kupuna, a he awalu hoi iwaena o na mamo a Itamara, e like me ka ohana a ko lakou mau kupunakane.

⁵Pela lakou i puunaueia'i ma ka puu ana, o kekahi poe me kekahi poe; no ka mea, o na luna no kahi hoano, a me na luna [o ka hale] o ke Akua, no na keiki lakou a Eleazara, a no na keiki a Itamara.

⁶A o Semaia ke keiki a Netaneela, ke kakauolelo no na Levi, kakau iho la oia ia lakou imua o ke alii nui a me na alii, a me Zadoka ke kahuna, a me Ahimeleka ke keiki a Abiatara, a me na luna o na ohana kahuna a o na Levi: hookahi ohana kupuna i kakauia no Eleazara, a hookahi hoi no Itamara.

⁷A puka mai la ka puu mua ia Iehoiariba, o ka lua ia Iedaia,

⁸O ke kolu ia Harima, o ka ha ia Seorima,

⁹O ka lima ia Malekiia, o ke ono ia Miiamina,

¹⁰O ka hiku ia Hakoza, o ka walu ia Abiia,

¹¹O ka iwa ia Iesua, o ka umi ia Sekania,

¹²O ka umikumamakahi ia Elisiba, o ka umikumamalua ia Iakima;

¹³O ka umikumamakolu ia Hupa, o ka umikumamaha ia Iesebeaba;

¹⁴O ka umikumamalima ia Bilega, o ka umikumamaono ia Imera,

¹⁵O ka umikumamahiku ia Hezira, o ka umikumamawalu ia Apese,

¹⁶O ka umikumamaiwa ia Petahia, o ka iwakalua ia Iehezekela,

¹⁷O ka iwakaluakumamakahi ia Iakina, o ka iwakaluakumamalua ia Gamula,

¹⁸O ka iwakaluakumamakolu ia Delaia, o ka iwakaluakumamaha ia Maazia.

¹⁹Oia ka hoonoho papa ana ia lakou no ka lakou hana e hele mai ai iloko o ka hale o Iehova, e like me ka lakou i hana'i mamuli o Aarona o ko lakou makuakane, me ka Iehova ke Akua o Iseraela i kauoha mai ai ia ia.

²⁰No na keikikane a Levi i koe: no na keikikane a Amerama; o Subaela: no na keikikane a Subaela; o Iehedeia.

²¹No Rehebia: no na keikikane a Rehebia, o Isehia ka mua.

²²No ka Izehara; o Selomota: no na keiki a Selomota; o Iahata.

²³O na keikikane a Heberona; o Ieria ka mua, o Amaria ka lua, o lahaziela ke kolu a o Iekameama ka ha.

²⁴No na keikikane a Uziela: o Mika: no na keikikane a Mika; o Samira.

²⁵O Isehia ke kaikaina o Mika: no na keikikane a Isehia; o Zekaria.

²⁶O na keikikane a Merari; o Maheli a o Musi: no na keikikane a Iaazia; o Beno.

²⁷O na keikikane a Merari ma o Iaazia la; o Beno, o Sohama, o Zakura, a o Iberi.

²⁸Na Maheli o Eleazara, aohe ana keikikane.

²⁹No Kisa: o Ierahemeela ke keikikane a Kisa:

³⁰O na keikikane hoi a Musi; o Maheli, o Edera, a o Ierimota. O lakou na keikikane a na Levi mamuli o ka ohana o ko lakou mau makuakane.

³¹Puu iho la no hoi lakou e ku pono aku ana i ko lakou poe hoahanau na mamo a Aarona, imua hoi o ke alii o Davida, a o Zadoka, a o Ahimeleka, a me na makua'lii o na kahuna a me ka Levi, oia hoi, na luna makuakane e ku pono ana i ko lakou poe kaikaina.